ابھیشیک کی فلم ’گھومر‘ میں امیتابھ بچن بھی جلوگر ہوں گے، ٹریلر جاری

ممبئی: بالی ووڈ اداکار ابھیشیک بچن کی آنے والی فلم ’گھومر‘ کا ٹریلر جاری کر دیا گیا۔

ٹریلر میں دیکھا جا سکتا ہے کہ اس فلم کی کہانی ایک معذور لڑکی کے گرد گھومتی ہے جو بھارتی کرکٹ ٹیم کے لیے کھیلنے کی خواہش رکھتی ہے۔ فلم میں اداکارہ سیامی کھیر ابھیشیک بچن کے ساتھ مرکزی کردار نبھاتی نظر آئیں گی۔

ابھیشیک بچن فلم میں ایک ہاتھ سے معذور لڑکی کے کوچ کا کردار ادا کر رہے ہیں۔ فلم کی کہانی آر بالکی نے لکھی ہے جبکہ اس کی ہدایتکاری بھی انہوں نے کی ہے۔

فلم کے ٹریلر میں دیکھا جا سکتا ہے کہ اس میں بالی ووڈ کے لیجنڈری اداکار اور ابھیشیک کے والد امیتابھ بچن بھی کیمیو رول ادا کریں گے۔

View this post on Instagram

A post shared by Hope Productions (@hopeprodn)

یاد رہے کہ آر بالکی کی ہدایتکاری میں بننے والی ’گھومر‘ میں انگد بیدی اور شبانہ اعظمی بھی اہم کردار نبھائیں گے۔ فلم 18 اگست کو سینما گھروں میں ریلیز کی جائے گی۔