خیریت نظر نہیں آرہی، نگراں حکومت کو کوئی اور بھی ذمہ داری مل سکتی ہے، منظوروسان

چیئرمین پی ٹی آئی بھی مسائل میں ہیں اور ملک بھی مسائل میں ہے، رہنما پیپلز پارٹی

اسٹاف رپورٹر جمعـء 4 اگست 2023

—(فوٹو فائل)

کراچی: پیپلز پارٹی کے سینئر رہنما و مشیر زراعت منظوروسان نے کہا ہے کہ موجودہ حکومت بدھ کو ختم ہوجائے گی، مجھے خیریت نظر نہیں آرہی ہے، گڑبڑ ہوتی نظرآرہی ہے، کچھ بھی ہوسکتا ہے، نگران حکومت کا کام الیکشن کرانا ہے، ان کو کوئی اور بھی ذمہ داری مل سکتی ہے۔

منظوروسان نے مزید کہا کہ ہوسکتا ہے کہ نگران سیٹ اپ فروری 2024 سے بھی آگے چلا جائے۔ انہوں نے کہا کہ چیئرمین پی ٹی آئی عمران خان بھی مسائل میں ہیں اور ملک بھی مسائل میں ہے، سیکریٹ ایکٹ عوام کے مفاد میں نہیں ہے، ایسا بل نہیں ہونا چاہیے جس سے عوام متاثر ہو۔

منظوروسان نے کہا کہ پاکستان کے لئے خواب اچھا ہے باقی عوام کےلئےبھترنظرنہیں آرہا ہے، سندھ اور پنجاب کے دیگر پارٹیوں کے لوگ پی پی پی میں آئیں گیں، جی ڈی اے ٹوٹ چکی ہے.