ایشین چیمپیئنز ٹرافی؛ پاکستان کی پہلی فتح، چین کو 1-2 سے شکست

 چنئی: ایشین چیمپیئنز ٹرافی میں پاکستان ہاکی ٹیم کو پہلی کامیابی مل گئی۔

بھارت کے شہر چنئی میں جاری ایشین چیمپیئنز ٹرافی میں پاکستان نے اپنے چوتھے میچ میں چین کو ایک کے مقابلے میں دو گول سے شکست دے دی۔ محمد خان اور افراز نے ایک ایک گول اسکور کیا۔

پاکستان کو ٹورنامنٹ کے پہلے میچ میں ملائیشیا نے ایک کے مقابلے میں تین گول سے شکست دی تھی جبکہ کوریا کے ساتھ میچ 1-1 اور جاپان کے ساتھ میچ 3-3 گول سے برابر رہا تھا۔

مزید پڑھیں: ایشین ہاکی چیمپئنز ٹرافی میں پاکستان ٹیم پہلی جیت کو ترس گئی

قومی ہاکی ٹیم ٹورنامنٹ میں اپنا پانچواں میچ 9 اگست کو روایتی حریف بھارت کے خلاف کھیلے گی۔