بھارتی کرکٹر سرفراز خان نے مقبوضہ کشمیر کی لڑکی سے شادی کرلی

ڈومیسٹک سطح پر پرفارم کررہا ہوں، ہندوستان کیلئے ضرور کھیلوں گا، کرکٹر

ویب ڈیسک منگل 8 اگست 2023

ڈومیسٹک سطح پر پرفارم کررہا ہوں، ہندوستان کیلئے ضرور کھیلوں گا، کرکٹر (فوٹو: انسٹاگرام)

بھارتی کرکٹر سرفراز خان نے مقبوضہ کشمیر کے ضلع شوپیاں کی لڑکی سے شادی کرلی۔

بھارتی میڈیا کی رپورٹس کے مطابق انڈین پریمئیر لیگ (آئی پی ایل) میں دہلی کیپیٹلز کی نمائندگی کرنے والے سرفراز خان نے سماجی رابطے کی سائٹ انسٹاگرام پر شادی کی تصاویر بھی شیئر کیں۔

انہوں نے مقامی ٹی وی کو انٹرویو دیتے ہوئے کہا کہ “کشمیر میں شادی ہونا میرا مقدر تھا”، ڈومیسٹک سرکٹ میں پرفارم کررہا ہوں وہ دن دور نہیں جب ہندوستان کیلئے کھیلوں گا۔

دوسری جانب کرکٹر کی ایک جھلک دیکھنے کیلئے مداحوں کی ایک بڑی تعداد انکی شادی میں شریک ہوئی۔

سرفراز خان کو دورہ ویسٹ انڈیز کیلئے بھارتی سلیکٹرز نے نذر انداز کردیا تھا، انہوں نے 2022-23 کے سیزن میں رنجی ٹرافی کے دوران 3 سینچریاں اسکور کیں تھی جبکہ ٹورنامنٹ میں کرکٹر کی اوسط 92.66 سے 556 رنز بنائے تھے۔