فرحان اختر کی ’ڈان3‘ سے شاہ رخ آؤٹ، کنگ خان کے مداح سیخ پا

 ممبئی: بالی وڈ کے سپر اسٹار شاہ رخ خان کے مداحوں کیلئے بری خبر سامنے آگئی، فلمساز فرحان اختر نے باضابطہ طور پر اعلان کردیا کہ ’ڈان3‘  میں کنگ خان موجود نہیں ہوں گے۔ 

فرحان اختر نے ٹویٹر پر ڈان فرنچائز کے متعلق اعلان لگایا اور بتایا کہ امیتابھ بچن سے شروع ہونے والی ڈان فلم کی وراثت شاہ رخ خان تک پہنچی اور اب اسے آگے بڑھانے کا وقت آگیا ہے۔

🙏 pic.twitter.com/Jbr2zFtuv6

— Farhan Akhtar (@FarOutAkhtar) August 8, 2023

فرحان اختر نے 1978 میں ریلیز ہونے والی امیتابھ بچن کی بلاک بسٹر فلم ’ڈان‘ کے کردار کو دوبارہ زندگی بخشی اور شاہ رخ خان کے ساتھ 2006 میں ’ڈان‘ کو ریلیز کیا۔

’ڈان‘ میں 1978 والی اسٹوری لائن کو باقی رکھا گیا اور شاہ رخ کے ساتھ پریانکا چوپڑا نے کردار ادا کیا اور کنگ خان نے اپنے کردار کے ساتھ بھرپور انصاف کیا جسے بڑے پیمانے پر پسند کیا گیا۔

No Interest in watching anybody else as Don! It has to be @iamsrk . Please don’t play with fans!

— Dhawall Kumar Jain (@iamdhawal_Jain) August 8, 2023

’ڈان2‘ 2011 میں ریلیز ہوئی اور اب ایک دہائی کے بعد فرحان اختر نے ’ڈان3‘ بنانے کا اعلان کیا ہے اور اس میں رنویر سنگھ ڈان کا مشہور کردار نبھائیں گے۔

No SRK No DON yeh yaad rakhna hamesha.

— ραℓℓανι(Fan Account) (@Megastar_SRK_) August 8, 2023

شاہ رخ خان کے مداحوں کو یہ اعلان پسند نہیں آیا اور وہ رنویر سنگھ کو ڈان کی صورت میں نہیں دیکھنا چاہتے، بعض صارفین نے لکھا کہ شاہ رخ خان کے نکلنے سے ڈان فرنچائز کی اہمیت ختم ہوگئی ہے۔