فیفا ویمن ورلڈکپ؛ سڈنی کا ہاربر برج فٹبال شائقین کی توجہ کا مرکز بن گیا

شاہ زیب خان  بدھ 9 اگست 2023
فوٹو: ایکسپریس

فوٹو: ایکسپریس

سڈنی: آسٹریلیا میں فیفا وومن فٹبال ورلڈکپ کے دوران سڈنی کا ہاربر برج شائقین کا محور بنا ہوا ہے۔

سڈنی ہاربر برج پر دن سے رات گئے تک میلہ لگا رہتا ہے جہاں پر سیاح خوبصورت مناظر کو اپنے کیمروں میں محفوظ کرتے ہیں۔

sydney 2

فٹ بال شائقین عالمی شہرت یافتہ تاریخی مقام پر جمع ہوتے ہیں اور خوشی کا اظہار کرتے ہیں۔

sydney 3

سڈنی ہاربر برج کے سحر میں گم سیاح صبح سے رات تک سارا وقت یہاں گزار دیتے ہیں۔

sydney 4

1932 میں بنایا گیا ہاربر برج دنیا کے محراب والے پلوں میں ایک منفرد تخلیق ہے۔

sydney 5

فیفا وومن ورلڈ کپ انتظامیہ کے مطابق اب تک دو لاکھ سے زائد فٹ بال شائقین سڈنی ہاربر برج دیکھنے آ چکے ہیں۔

sydney 6

سیاحوں کا کہنا ہے کہ ہاربر برج عشق و محبت کے جذبات ابھارنے کا مقام ہے جہاں سے جانے کا دل نہیں چاہتا۔

sydney 7

سڈنی ہاربر برج آنے والے افراد کروز اور فیری کے ذریعے سڈنی پراماتا کے دریا ، بین الاقوامی معیار کے زو کی سیر کرتے ہوئے سڈنی اوپرا ہاوس کے شاندار نظارے سے بھی لطف اندوز ہوتے ہیں۔

sydney 8

ہیڈ آف فیفا ویمن ورلڈ کپ ریہانن مارٹن کے مطابق فٹ بال ورلڈ کپ کے انعقاد سے دنیا بھر کی قوموں اکٹھے مل بیٹھنے کا موقع ملا ہے اور مخلتف ثقافتی رنگ ایک جگہ پر دیکھنے کو مل رہے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔