دنیا کی معمر ترین گولڈ فِش

نارتھ یارکشائر: ٹِش نامی گولڈ فِش ریکارڈ شدہ تاریخ کی سب سے بوڑھی مچھلی ہے جس کی موت 43 سال کی عمر میں ہوئی۔ یہ اتنی عمر رسیدہ ہوچکی تھی کہ اس کی سنہری جِلد جس کی وجہ سے اسے گولڈ فِش کا نام دیا گیا تھا، چاندی میں تبدیل ہوگئی تھی۔

ایک عام گولڈ فش کی اوسط عمر 10-15 سال ہوتی ہے لیکن اب تک کی سب سے پرانی گولڈ فش کا موجودہ گنیز ریکارڈ ٹِش نامی ایک نر گولڈ فش نے قائم کیا جو قابل ذکر طور پر 43 سال کی عمر تک پہنچی۔

نارتھ یارکشائر، برطانیہ میں ہلڈا ہینڈ اور اس کے بیٹے پیٹر کی دیکھ بھال میں یہ مچھلی رہی۔ پیٹر نے ٹش کو 1956 میں 7 سال کی عمر میں ایک میلے میں رول-اے-پینی اسٹال پر انعام کے طور پر جیتا تھا۔ پیٹر کے بڑے ہونے کے بعد دوسرے شہر منتقل ہونے کے بعد ان کی ماں نے تِش کی دیکھ بھال جاری رکھی۔

یہ بات جانتے ہوئے کہ عمومی طور پر گولڈ فش بمشکل ایک دہائی سے زیادہ نہیں جی پاتیں، کسی کو توقع نہیں تھی کہ ٹِش اپنے 40 کی دہائی تک پہنچ جائے گا، یہی وجہ ہے کہ دنیا کی سب سے طویل العمر گولڈ فش کا ریکارڈ ٹِش کی موت کے 24 سال بعد بھی کوئی اور گولڈ فِش نہیں توڑ پائی۔