علی سیٹھی نے شادی کی خبروں پر خاموشی توڑ دی

ویب ڈیسک  ہفتہ 12 اگست 2023
 فوٹو: انسٹاگرام

فوٹو: انسٹاگرام

 لاہور: پاکستان کے نامور گلوکار علی سیٹھی نے شادی کی خبروں پر اپنی خاموشی توڑتے ہوئے اعلان کیا ہے کہ انہوں نے شادی نہیں کی ہے۔ 

سوشل میڈیا پر یہ خبریں چل رہی تھیں کہ گلوکار نے اپنے دوست سے ’گے میرج‘ کی ہے جس پر انہیں شدید تنقید کا نشانہ بنایا جارہا تھا۔

39 سالہ علی سیٹھی اپنے انسٹاگرام اکاؤنٹ پر اسٹوری میں لکھا کہ انہوں نے شادی نہیں کی ہے اور انہیں یہ علم بھی نہیں ہے کہ یہ افواہیں کس نے پھیلائی ہیں۔

alisethi

پسوڑی گلوکار نے مزاحیہ انداز میں مزید لکھا کہ شاید اس طرح لوگ میرے نئے گانے کی تشہیر میں بھی مدد کرسکتے ہیں۔

کوک اسٹوڈیو کے ’پسوڑی‘ گانے سے علی سیٹھی کو عالمگیر شہرت ملی اور دنیا بھر کے مختلف میوزک پلیٹ فارموں پر وہ پاکستان کا نام روشن کررہے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔