ایشیاکپ؛ سابق اسٹارز پر مشتمل کمنٹری پینل کا اعلان ہوگیا

ایشیاکپ کیلئے سابق کرکٹ اسٹارز پر مشتمل کمنٹری پینل کا اعلان کردیا گیا۔

پاکستان کرکٹ بورڈ (پی سی بی) کے سابق چیئرمین رمیز راجا بھی ایشیاکپ میں کمنٹری کرتے دیکھائی دینگے جبکہ انکے علاوہ وسیم اکرم اور وقار یونس کی جوڑی بھی کمنٹری کا محاذ سنبھالیں گے۔

بھارت کی جانب سے روی شاستری، سنجے منجریکر، گوتم گمبھیر، عرفان پٹھان اطہر علی خان، دیپ داس گپتا کمنٹری پینل کا حصہ ہوں گے۔

مزید پڑھیں: ایشیاکپ؛ رویندرا جڈیجا نے پاک بھارت مقابلے پر خاموشی توڑ دی

دیگر کھلاڑیوں میں سری لنکا کے رسل آرنلڈ، نیوزی لینڈ کے اسکاٹ اسٹائرس اور سابق کرکٹر بازید خان بھی ایشیاکپ کمنٹری پینل میں موجود ہوں گے۔

دوسری جانب ایشیاکپ کا باقاعدہ آغاز 30 اگست کو ملتان میں پاکستان اور نیپال کے درمیان میچ سے ہوگا، 31 اگست کو کینڈی میں بنگلا دیش اور سری لنکا کی ٹیمیں مد مقابل ہوں گی، روایتی حریف پاکستان اور بھارت کے درمیان میچ دو ستمبر کو کینڈی میں کھیلا جائے گا جبکہ ایشیاکپ کا فائنل 17 ستمبر کو کولمبو میں ہوگا۔

مزید پڑھیں: ایشیاکپ کیلئے ٹکٹس کی آن لائن فروخت کا آغاز