حنا پرویز کے ساتھ لندن میں ہراسگی کا واقعہ، ویڈیو وائرل

  لندن: لیگی رہنما حنا پرویز بٹ کے ساتھ لندن میں ہراسگی کا واقعہ پیش آیا ہے، جس کی ویڈیو سوشل میڈیا پر وائرل ہو گئی۔

پی ٹی آئی کے بدتمیز اور بدتہذیب لوگ اس حد تک گر گئے ہیں کہ لندن میں میرے بیٹے کے سامنے مجھ پر حملہ کیا، مجھ پر بوتلیں پھینکیں اور گندی گالیاں دیں۔ کیا یہ بد تہذیب لوگ ایسی حرکات کر کے پاکستان کا نام روشن کر رہے ہیں یا بدنام کر رہے ہیں؟ اللہ کا شکر ہے میرے لیڈر نواز شریف نے ہمیشہ… pic.twitter.com/AQri5sxB86

— Hina Parvez Butt (@hinaparvezbutt) August 13, 2023

سابق رکن پنجاب اسمبلی اور پاکستان مسلم لیگ کی رہنما حنا پرویز بٹ کے ساتھ برطانوی دارالحکومت میں ہراسگی کا واقعہ پیش آیا، جس کی ویڈیو سماجی رابطوں کی ویب سائٹس پر پھیل گئی، جہاں اُن کے سیاسی حامی اور مخالفین تبصرے کررہے ہیں۔

حنا پرویز بٹ نے اس سلسلے میں اپنے ایکس (سابقہ ٹوئٹر) اکاؤنٹ پر ویڈیو  شیئر کرتے ہوئے کہا کہ پاکستان تحریک انصاف کے بدتمیز اور بدتہذیب لوگ اس حد تک گر گئے ہیں کہ لندن میں میرے بیٹے کے سامنے مجھ پر حملہ کیا۔  

London needs your attention sir @MayorofLondon seems like it’s becoming a sanctuary of hooligans n loitering vagabonds
Supporters of convicted politician @ImranKhanPTI are harassing n physically attacking respected lady rt in front of her minor son pic.twitter.com/1upFyAM0WA

— Dr Humma Saif (@HummaSaif) August 14, 2023

انہوں نے کہا کہ لندن میں ہونے والے حملے میں مجھ پر بوتلیں پھینکی گئیں اور گالیاں دی گئیں۔ کیا یہ بد تہذیب لوگ ایسی حرکات کر کے پاکستان کا نام  روشن کر رہے ہیں یا بدنام کر رہے ہیں؟

پنجاب اسمبلی کی سابق رکن نے اپنے پیغام میں مزید لکھا کہ  اللہ کا شکر ہے کہ میرے لیڈر نواز شریف نے ہمیشہ صبر اور تہذیب کی تعلیم دی  ہے، جسے ہم کبھی نہیں چھوڑیں گے۔

واضح رہے کہ حنا پرویز بٹ نے 14 اگست کے موقع پر اپنے سوشل میڈیا پیغام میں ہم وطنوں کو جشن آزادی کی مبارک باد بھی دی ہے۔

میرے ہم وطنوں کو بہت بہت جشن آزادی مبارک 🇵🇰 pic.twitter.com/ilAPhPyIQc

— Hina Parvez Butt (@hinaparvezbutt) August 13, 2023