دالبندین ایئرپورٹ کا رن وے ایک سال تک فلائٹس آپریشن کیلئے بند

اسٹاف رپورٹر  منگل 15 اگست 2023
فوٹو: فائل

فوٹو: فائل

  کراچی: بلوچستان کے دالبندین ایئرپورٹ کے رن وے کو ایک سال تک فلائٹس آپریشن کیلئے بند کردیا گیا۔

سول ایوی ایشن اتھارٹی کا کہنا ہے کہ دالبندین ائیرپورٹ کا رن وے نمبر 13/31 فلائٹ آپریشن کیلئے بند کیا گیا ہے جو 6 اگست 2024 تک بند رہے گا۔

سول ایوی ایشن اتھارٹی نے نوٹم جاری کرکے تمام ایئرلائنز کو دالبندین ایئرپورٹ رن وے کی بندش سے آگاہ کردیا ہے۔

سول ایوی ایشن حکام کے مطابق حالیہ طوفانی بارشوں سے دالبندین ایئرپورٹ کے رن وے اور کنٹرول ٹاور کو نقصان پہنچا تھا۔

رن وے کو مرمت مکمل کے بعد دوبارہ پروازوں کیلئے کھولا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔