آئی سی سی نے جولائی 2023 کے پلیئر آف دی منتھ کا اعلان کردیا

 دبئی: آئی سی سی نے جولائی 2023 کے پلیئر آف دی منتھ کا اعلان کردیا۔

آئی سی سی نے ایشز سیریز میں شاندار کارکردگی دکھانے پر انگلینڈ کے کرس ووکس کو جولائی 2023 کیلئے پلیئر آف دی منتھ قرار دیا ہے۔ کرس ووکس نے گزشتہ ایک ماہ کے دوران تین ٹیسٹ میچز میں انتہائی اہم 79 رنز بنانے کے ساتھ 19 وکٹیں بھی حاصل کیں۔

ابتدائی دو میچز میں شکست کے باوجود انگلینڈ ڈرامائی انداز میں یہ سیریز برابر کرنے میں کامیاب ہوا۔ واضح رہے کہ کرس ووکس پہلے دو میچوں میں انگلش ٹیم کا حصہ نہیں تھے۔

Back in the side and hitting the winning runs

Chris Woakes has had an #Ashes Test to remember pic.twitter.com/nAKPD15VtB

— ICC (@ICC) July 9, 2023

آسٹریلیا اور انگلینڈ کے مابین پانچ ٹیسٹ میچوں پر مشتمل ایشز سیریز کا تیسرا میچ انگلینڈ نے جیتا تھا جبکہ چوتھا ٹیسٹ ڈرا ہوگیا تھا اور پانچویں میچ میں انگلینڈ نے کامیابی حاصل کی تھی۔

ایک سال بعد ٹیسٹ کرکٹ میں واپسی کرنے والے کرس ووکس نے ایشز سیریز میں عمدہ کارکردگی پر پلیئر آف دی سیریز کا ایوارڈ بھی حاصل کیا تھا۔

دوسری جانب  آئی سی سی ویمن پلیئر آف دی منتھ کیلئے  آسٹریلیا کی آل راؤنڈر ایشلے گارڈنر کا انتخاب کیا گیا ہے۔

Four ICC Women’s #POTM awards so far!

Ashleigh Gardner is a champion

More ➡️ https://t.co/b8PH8MYs74 pic.twitter.com/Rlk2Hp9za0

— ICC (@ICC) August 15, 2023

ایشلے گارڈنر نے جولائی کے پورے مہینے کے دوران آٹھ ون ڈے اور ٹی ٹوئنٹی میچز میں مجموعی طور پر 232 رنز بنانے کے ساتھ  15 وکٹیں بھی حاصل کیں۔