لیونل میسی بیٹے کا میچ دیکھنے اکیڈمی پہنچ گئے
میچ کے دوران میسی اپنے بیٹے کو ہدایات بھی دیتے رہے
اسٹار فٹبالر لیونل میسی اپنے بیٹے کا فٹبال میچ دیکھنے اکیڈمی پہنچ گئے۔
لیجنڈری فٹبالر لیونل میسی کو انٹر میامی چلڈرن فٹبال اکیڈمی میں اپنے دیگر دو بیٹوں میٹیو اور سیرو کے ساتھ سائیڈ لائنز سے اپنے بیٹے تھیاگو کا میچ دیکھتے ہوئے دیکھا گیا جس کی ویڈیو سوشل میڈیا پر وائرل ہوئی ہے۔
مزید پڑھیں: سعودی قومی دن پر کرسٹیانو رونالڈو عرب ثقافتی رنگ میں ڈھل گئے
میچ کے دوران لیونل میسی اپنے بیٹے کو ہدایات بھی دیتے نظر آئے جبکہ اپنے پاس سے گزرنے والے دیگر نوعمر فٹبالرز کے ساتھ خوشگوار موڈ میں ہائے ہیلو بھی کرتے رہے۔
واضح رہے کہ ارجنٹائن کیلئے فیفا ورلڈ کپ 2022 جیتنے والے لیونل میسی سات بار بیلن ڈی ایوارڈ بھی اپنے نام کرچکے ہیں۔ اپنے کلب کیریئر میں میسی بارسلونا کلب کیلئے لا لیگا اور یو ای ایف اے چیمپئنز لیگ سمیت 35 ٹائٹل جیت چکے ہیں۔
لیونل میسی نے رواں سال جولائی میں امریکی کلب انٹر میامی جوائن کیا تھا جس کے لیے وہ اب تک 11 گیمز میں 11 گول کرچکے ہیں۔
