آئی جی پنجاب کو عمران ریاض کی بازیابی کے لیے آخری مہلت

لاہور ہائیکورٹ نے آئی جی پنجاب کو صحافی عمران ریاض کی بازیابی کے لیے آخری مہلت دے دی۔

چیف جسٹس ہائیکورٹ نے عمران ریاض کی بازیابی کے لیے ان کے والد کی درخواست پر سماعت کی۔

چیف جسٹس نے استفسار کیا کہ آئی جی صاحب بتائیں کیا پیش رفت ہوئی ہے۔

آئی جی پنجاب نے جواب دیا کہ جوائن ورکنگ گروپ کی میٹنگ ہوئی ہے اس جمعہ کو دوبارہ میٹنگ ہونی ہے ، عدالت ہمیں مہلت فراہم کرے مزید مثبت پیش رفت ہوگی ، انکے والد اور وکلاء کے ساتھ میٹنگ ہورہی ہیں، آپ کے احکامات کی روشنی میں ورکنگ گروپ بنا تھا، انٹلیجنس چیف کے ساتھ جمعہ کو میٹنگ ہونی ہے۔

یہ بھی پڑھیں: عمران ریاض بازیابی کیس؛ دس روز میں خوشخبری دینگے، آئی جی پنجاب

چیف جسٹس لاہور ہائی کورٹ نے کہا کہ میرا خیال ہے اس معاملے کو دوسرے طریقے سے ہینڈل کرتا ہوں۔

والد عمران ریاض کے وکیل نے کہا کہ انکو آخری 24 گھنٹے دیے جائیں۔

عدالت نے آئی جی پنجاب کو عمران ریاض کی بازیابی کے لیے آخری مہلت دیتے ہوئے سماعت 26 ستمبر تک ملتوی کردی۔