کینسر کی مریضہ بن کر لڑکے سے لاکھوں روپے بٹورنے والا لڑکا گرفتار

 راولپنڈی: ایف آئی اے سائبر کرائم سرکل راولپنڈی نے کارروائی کرتے ہوئے مالی فراڈ میں ملوث ملزم کو گرفتار کر لیا۔

گرفتار ملزم طلحہ محمود نے لڑکی بن کر لڑکے سے فیس بک پر رابطہ کیا۔ ملزم نے خود کو کینسر کی مریض بھی ظاہر کرتے ہوئے رقم ہتھیائی۔

ملزم نے من گھڑت پریشانیوں کا حوالہ دیتے ہوئے متاثرہ لڑکے سے لاکھوں روپے بٹورے۔ ملزم طلحہ محمود کو راولپنڈی سے گرفتار کیا گیا۔

ریکارڈ کے مطابق ملزم مجموعی طور پر 12 لاکھ روپے سے زائد وصول کر چکا تھا اور اپنے دیگر ساتھیوں کے ہمراہ متاثرہ لڑکے کو دھمکیاں بھی دیتا رہا۔

فراڈ سے حاصل کردہ رقوم مختلف موبائل اکاؤنٹس میں ٹرانسفر کی گئی۔ ملزم کے خلاف مقدمہ درج کر لیا گیا اور مزید تفتیش جاری ہے۔