بجلی چوروں کیخلاف کریک ڈاؤن جاری؛ 18 روز کے دوران 3674 مقدمات درج

 لاہور: لاہور میں بجلی چوروں کے خلاف کریک ڈاؤن کا سلسلہ جاری ہے جبکہ گزشتہ 18 روز کے دوران بجلی چوری کے 3674 مقدمات درج کیے گئے۔ 

اس حوالے سے بتایا گیا کہ سٹی ڈویژن پولیس نے 810، کینٹ 972، سول لائنز ڈویژن نے 303 مقدمات جبکہ صدر 518،اقبال ٹاؤن 573 اور ماڈل ٹاؤن ڈویژن نے 498مقدمات درج کیے۔

ڈی آئی جی آپریشنز نے لیسکو، ضلعی انتظامیہ کے ساتھ مل کر بجلی چوروں کے خلاف کریک ڈاؤن مزید تیز کرنے کا حکم دیا ہے۔ ڈی آئی جی آپریشنز نے کہا کہ ملکی وسائل کو نقصان پہنچانے والے کسی رعایت کے مستحق نہیں ہے۔

سید علی ناصر رضوی نے کہا کہ ڈومیسٹک و کمرشل بجلی چور صارفین کے خلاف بالا تفریق کارروائیاں کی جائیں۔