مریضوں کی بینائی جانے کا معاملہ، پنجاب حکومت نے اویسٹن انجکشن پر پابندی لگادی

پنجاب حکومت نے مبینہ طور پر اویسٹن (Avastin) انجکشن کی وجہ سے مریضوں کی بینائی جانے کے بعد اسکے استعمال پر پابندی عائد کردی۔

نگران وزیر اعلیٰ پنجاب محسن نقوی کی زیر صدارت اجلاس میں امراض چشم کے ماہر ڈاکٹرز نے اویسٹن انجکشن سے بعض افراد کی بینائی متاثر ہونے کے واقعہ پر تفصیلی بریفنگ دی۔ اجلاس میں آشوب چشم کی وباء کی حفاظتی تدابیر اور سدباب کے اقدامات کا بھی جائزہ لیا گیا۔

بعد ازاں نگران وزیراعلیٰ پنجاب محسن نقوی نے ’ایکس‘ پیغام میں بتایا کہ محکمہ صحت کے حکام اور ماہرین امراض چشم کے ساتھ اویسٹن کی وجہ سے اندھے پن کے معاملے پر اجلاس میں اہم فیصلے کیے گئے ہیں۔

Held a crucial meeting with Health Department and Doctors to address Avastin (Bevacizumab)-related blindness cases. Here’s the action plan:

1. Immediate strict action against drug inspectors responsible for availability of non-sterile injections with a pending inquiry.

2. A… pic.twitter.com/MsjiOPtwlh

— Mohsin Naqvi (@MohsinnaqviC42) September 24, 2023

محسن نقوی کے مطابق اجلاس میں نان اسٹرلائیذڈ انجکشن کی دستیابی کے ذمہ دار ڈرگ انسپکٹرز کے خلاف فوری کارروائی اور امراض چشم کے علاج کیلئے مذکورہ انجکشن کے استعمال پر کوالٹی رپورٹ آنے تک پابندی لگانے کا فیصلہ کیا گیا ہے۔

یہ بھی پڑھیں: آشوب چشم؛ پنجاب میں غلط انجیکشن لگنے سے متعدد افراد بینائی سے محروم

نگران وزیراعلیٰ پنجاب کا کہنا ہے کہ انجیکشن کے وجہ سے اندھے پن کے شکار ہونے والے افراد کا مفت علاج کرایا جائے گا جبکہ معاملے کی تحقیقات کے لئے اعلی اختیاراتی کمیٹی تشکیل دینے کا بھی فیصلہ کیا گیا ہے۔ پولیس کو ذمہ دار عناصر کو گرفتار کرنے کا بھی حکم دے دیا گیا ہے۔