2021 ٹی20 ورلڈکپ کے سیمی فائنل میں شکست پر سب بلک بلک کر روئے، حسن علی

 لاہور: پاکستان کرکٹ ٹیم کے بولر حسن علی کا کہنا ہے کہ 2021  کے ٹی 20 ورلڈ کپ سیمی فائنل میں سب بلک بلک کر روئے۔

قومی ٹیم کے بولر حسن علی نے پوڈ کاسٹ انٹرویو میں ٹی 20 ورلڈ کپ کے سیمی فائنل سے متعلق بات کرتے ہوئے کہا کہ آسٹریلیا سے شکست کے بعد کچھ لڑکوں نے تو گراؤنڈ میں ہی رونا شروع کردیا۔ ڈریسنگ روم میں ہرشخص بلک بلک کر رو رہا تھا۔ سینئر کھلاڑی جونئیر کھلاڑیوں کو چپ کرواتے رہے۔

حسن علی کا مزید کہنا تھا کہ اس وقت جو بھی ڈریسنگ روم میں آتا روئے بغیر نہیں رہ سکتا تھا کیونکہ ماحول ہی ایسا تھا۔ ٹیم نے ٹائٹل جیتنے کے لیے بہت محنت کی تھی اور ایک جان ہو کر کھیلے تھے۔ ایک ڈراپ کیچ اور 3 چھکوں نے پوری صورتحال تبدیل کردی۔ کرکٹ صرف نوکری نہیں عشق ہے۔

In that semifinal against Australia, everyone cried, from Players to fans😭💯.#PAKvAUS #HassanAli #WorldCup2023 pic.twitter.com/PK45cQgaYS

— Shaharyar Ejaz 🏏 (@SharyOfficial) September 24, 2023

قومی کرکٹر نے کہا کہ بابر اعظم کو ٹیم کے کھلاڑی کنگ ہی کہتے ہیں اور کوئی بھی مسئلہ ہو یہی کہتے ہیں کہ کنگ کو کہو وہ کرلے گا۔ ہمیں بابر اعظم پر فخر ہے اور ہم بابر کو اون کرتے ہیں۔