کراچی لنک روڈ پر ٹرانسپورٹرز کا دھرنا، پٹرولیم مصنوعات کی قلت کا خدشہ

  کراچی: کراچی لنک روڈ پر ٹرانسپورٹر کے دھرنا ساتویں روز بھی جاری ہے۔

ٹرانسپورٹرز کے دھرنے کے باعث قومی شاہراہ اور سپر ہائے وے کو ملانے والی لنک روڈ مسلسل 7 روز سے بلاک ہے جس کے نتیجے میں پٹرولیم مصنوعات کی قلت کا خدشہ پیدا ہو گیا ہے۔

کراچی، ضلع ملیر میں لنک روڈ پر ٹرانسپورٹرز کا دھرنا ساتویں روز میں داخل#ExpressNews #BreakingNews #Karachi pic.twitter.com/GWUOOCz81q

— Express News (@ExpressNewsPK) September 27, 2023

ٹرانسپورٹرز کانٹے پر مبینہ طور پر زبردستی فی گاڑی 5 ہزار روپے وصول کرنے کے خلاف احتجاج کررہے ہیں۔ چیئرمین آئل ٹینکرایسوسی ایشن کا کہنا ہے کہ احتجاج میں شدت لانے کے لیے مزید 5 ہزار ٹینکرز بھی پہنچ رہے ہیں۔ احتجاجی ٹرانسپورٹرز کا کہنا ہے کہ  جب تک غیرقانونی کانٹا ختم نہیں کیا جائے گا گا دھرنا جاری رہے گا۔ سخت اور ملک گیر احتجاج پر مجبور نہ کیا جائے۔ ہیوی ٹرانسپورٹ سے لاکھوں خاندانوں کا روزگار منسلک ہے۔