پی ٹی آئی رہنما فرخ حبیب گوادر سے گرفتار

گوادر: تحریک انصاف کے رہنما فرخ حبیب کو گوادر سے گرفتار کرلیا گیا۔

پی ٹی آئی کے رہنما  فرخ حبیب، ان کے بھاٸی اور 4 ساتھیوں کوگوادر میں  گھر سے گرفتار کیا گیا۔ فرخ حبیب کے بھائی نے ان کی بازیابی کے لیے لاہور ہائی کورٹ میں درخواست دائر کردی۔

مزید پڑھیں: جلاؤ گھیراؤ کا مقدمہ، پی ٹی آئی رہنما فرخ حبیب کی عبوری ضمانت مسترد

درخواست میں موقف اختیار کیا گیا ہے کہ فرخ حبیب، ان کے بھائی اور 4 ساتھیوں  کو پنجاب پولیس کے اہلکار گوادر میں ان کے گھر سے ساتھ لے گئے۔ عدالت فرخ حبیب اور ان کے ساتھیوں کو بازیاب کروائے۔