وطن واپسی کا منتظر پاکستانی جدہ میں انتقال کرگیا

  کراچی: پی آئی اے طیارے میں خرابی کے باعث وطن واپسی کا منتظر مسافر جدہ کے ہوٹل میں دل کا دورہ پڑنے سے جاں بحق

ایکسپریس نیوز کے مطابق جدہ سے لاہور کی پرواز پی کے 760 کی روانگی کے وقت اے پی یونٹ میں آگ لگنے کے باعث 275 مسافر ہوٹل منتقل کئے گئے تھے.

جمعرات کی شب دیگر مسافروں کے ساتھ 31 سالہ ذکیس احمد بھی ہوٹل میں مقیم تھا۔ گجرانوالہ کے رہائشی ذکیس کی ڈیڈ باڈی کو ضابطے کی کارروائی کے لئے جدہ پولیس نے اپنی تحویل میں لے لیا ہے۔

مسافر کی میت جدہ کے مقامی اسپتال کے سرد خانے منتقل کردی گئی ہے۔ جمعے کو انتقال کر جانے والے ذکیس احمد کی میت ہوسٹمارٹم سمیت دیگر کارروائی کی تکمیل پر پاکستانی قونصل خانے کے حوالے کی جائے گی۔

تفصیلات کے مطابق ممکنہ طور پر دو سے تین روز میں جدہ میں ضابطے کی کارروائی کی تکمیل کے بعد نوجوان کی میت وطن واپس روانہ کی جائے گی۔