غزہ میں مہاجرین کیمپ پر اسرائیلی بمباری، خواتین اور بچوں سمیت 51 شہید

غزہ میں المغازی پناہ گزین کیمپ پر اسرائیلی فضائی حملے میں 51 فلسطینی شہید اور درجنوں زخمی ہو گئے۔

فلسطینی خبر رساں ادارے کے مطابق شہدا میں زیادہ تر بچے اور خواتین شامل ہیں۔ اسرائیلی بمباری سے گھر تباہ ہوگئے اور انفراسٹرکچر کو بھی نقصان پہنچا۔

اسرائیلی جنگی طیاروں نے المغازی کیمپ میں سمعان خاندان کے گھر کو نشانہ بنایا ہوئے۔

یہ بھی پڑھیں : اسرائیلی وزیر کی غزہ پر ایٹم بم گرانے کی دھمکی

غزہ میں وزارت صحت کے ترجمان اشرف القدرہ نے بتایا کہ اسپتال کے ایمرجنسی وارڈ کا فرش لاشوں اور شدید زخمیوں سے بھرا ہوا ہے۔

اسرائیلی فوج نے غزہ کی پٹی پر اپنے فضائی اور زمینی حملوں کا دائرہ وسیع کر دیا ہے۔

غزہ میڈیا آفس کے سربراہ سلامہ معروف نے ایک نیوز کانفرنس میں بتایا کہ غزہ کی پٹی پر 7 اکتوبر سے جاری اسرائیلی ریاستی دہشت گردی کے نتیجے میں 9500 فلسطینی شہید ہوچکے ہیں جن میں 3,900 بچے اور 2,509 خواتین شامل ہیں۔