بھارتی بالر شامی کو اداکارہ پائل گھوش کی شادی کی مشروط پیشکش

ویب ڈیسک  جمعرات 9 نومبر 2023
ٹوئٹ ایسے وقت میں سامنے آئی ہے جب کرکٹر کی اہلیہ نے انہیں میڈیا پر نیک خواہشات دینے سے انکار کردیا تھا (فوٹو: ایکسپریس ویب)

ٹوئٹ ایسے وقت میں سامنے آئی ہے جب کرکٹر کی اہلیہ نے انہیں میڈیا پر نیک خواہشات دینے سے انکار کردیا تھا (فوٹو: ایکسپریس ویب)

آئی سی سی ورلڈکپ میں بھارتی ٹیم کیلئے شاندار پرفارمنس کا مظاہرہ کرنے والے فاسٹ بولر محمد شامی کو اداکارہ پائل گھوش  نے شادی کی مشروط پیشکش کردی۔

سماجی رابطے کی سائٹ ٹوئٹر (ایکس) پر ٹوئٹ کرتے ہوئے معروف اداکارہ اور سیاسی جماعت میں ویمن ونگ کی نائب صدر پائل گھوش نے مسلمان بھارتی فاسٹ بولر محمد شامی کو ٹیگ کرتے ہوئے کہا کہ تم اپنی انگریزی بہتر کرلو تو میں شادی کرنے کو تیار ہوں۔

سال 2014 میں محمد شامی نے ماڈل حسین جہاں سے شادی کی تھی تاہم مارچ 2018 میں انکی اہلیہ نے سسرال والوں اور شوہر پر تشدد کا الزام لگاتے ہوئے کہا تھا کہ شامی نے مجھے جان سے مارنے کی بھی کوشش کی۔

مزید پڑھیں: شامی کی شاندار پرفارمنس پربھارتی میڈیا ناخوش، گھریلو زندگی پر تنقید

قبل ازیں میگا ایونٹ میں شاندار پرفارمنس کا مظاہرہ کرنے پر مقامی میڈیا چینل نے انکی اہلیہ حسین جہاں کا انٹرویو لیا تھا جو سوشل میڈیا پر وائرل ہوگیا تھا، جس میں انکی اہلیہ کا کہنا تھا کہ شامی اگر اچھی کارکردگی کا مظاہرہ کر رہا ہے، اچھا کھیل رہا ہے اور اور اچھی کمائی کر رہا ہے تو ہمارا مستقبل محفوظ ہوجائے گا۔

مزید پڑھیں: محمد شامی گھریلو تنازعات کی وجہ سے 3 بار خودکشی کا سوچ چکے

انٹرویو کے دوران اینکر نے فاسٹ بولر کو نیک خواہشات بھیجنے کو کہا تو حسین جہاں نے کہا ’’میں ٹیم انڈیا کو اپنی نیک خواہشات ضرور بھیجوں گی لیکن شامی کو نہیں!‘‘۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔