پاکستانی گلوکار علی طارق کو اریجیت سنگھ کے ساتھ گانے کا موقع مل گیا

ابو ظہبی: پاکستانی گلوکار علی طارق کو میوزک آئیکون اریجیت سنگھ کے ساتھ گانے کا یادگار موقع مل گیا۔ 

بالی وڈ انڈسٹری کے سپر اسٹار اریجیت سنگھ ابوظہبی میں اپنی جادو بھری آواز سے حاضرین کو محظوظ کررہے تھے جہاں یہ واقعہ پیش آیا۔

اریجیت سنگھ نے اپنے گانے کے دوران علی طارق کی موجودگی کا نوٹس لیا اور ان کی حوصلہ افزائی کرتے ہوئے انہیں اپنے ساتھ گانے کا موقع فراہم کیا۔

View this post on Instagram

A post shared by Express Tribune Life&Style (@tribunelifestyle)

علی طارق نے اس شاندار موقع کو ضائع نہیں کیا اور بھارتی گلوکار کے ساتھ گانے کے بول گائے جس پر اریجیت نے مسکرا کر انہیں شاباشی بھی دی۔

اریجیت سنگھ اور علی طارق کے گانے کی ویڈیو سوشل میڈیا پر وائرل ہورہی ہے اور صارفین اریجیت سنگھ کو کو کشادہ دلی اور نئے ٹیلنٹ کی حوصلہ افزائی پر خراج تحسین پیش کررہے ہیں۔