راولپنڈی پولیس ملازم کے قتل کا معما حل محکمے کا مالی اور رنگ ساز ہی قاتل  نکلے

ساتھی کو قتل کرنے والے پولیس کے مالی اور رنگ ساز ہیں

---

پولیس ملازم کے قتل کا معما حل کرلیا گیا، جس میں محکمے کا مالی اور رنگ ساز ہی ساتھی کے قاتل نکلے۔

روات کے علاقے میں پولیس کے ملازم کلاس فورچوکیدار کے اندھے قتل میں ملوث 2 افراد کو گرفتار کرلیا گیا۔ دونوں ملزمان بھی پولیس کے مالی اور رنگ ساز نکلے۔ ملزمان نے مقتول نصیر سے رقم ادھار لے رکھی تھی۔

ابتدائی تحقیقات کے مطابق رقم کا تقاضا کرنے پر ملزمان نے منصوبہ بندی کر کے مقتول کو بلایا اور فائرنگ کر کے قتل کر دیا۔ ملزمان محمد ارشاد اور شاہ نواز کو روات پولیس نے گرفتار کر لیا۔

ایس پی صدر محمد نبیل گھوکھر نے اس حوالے سے کہا کہ ملزمان کو ٹھوس شواہد کے ساتھ چالان کرکے قرارواقعی سزا دلوائی جائے گی۔ معمولی رقم کے لیے اپنے ہی کولیگ کا قتل افسوسناک ہےملزمان کتنے ہی شاطر کیوں نہ ہوں، پولیس کی گرفت سے نہیں بچ سکتے۔