12 یرغمالیوں کے بدلے مزید 30 فلسطینی خواتین اور بچے اسرائیلی قید سے رہا

ویب ڈیسک  بدھ 29 نومبر 2023
حماس نے 15 فلسطینی خواتین اور 15 بچوں کی رہائی کے بدلے 12 اسرائیلی یرغمالیوں کو رہا کردیا؛ فوٹو: فائل

حماس نے 15 فلسطینی خواتین اور 15 بچوں کی رہائی کے بدلے 12 اسرائیلی یرغمالیوں کو رہا کردیا؛ فوٹو: فائل

تل ابیب: غزہ میں جنگ بندی کے پانچویں روز حماس نے 30 فلسطینی خواتین اور بچوں کی اسرائیلی قید سے رہائی کے بدلے میں 12 یرغمالیوں کو چھوڑ دیا جن میں سے 2، تھائی لینڈ کے شہری ہیں۔

عرب میڈیا کے مطابق حماس نے 10 اسرائیلی اور 2 تھائی یرغمالیوں کو ریڈ کراس کے حوالے کیا جس کے بدلے میں 15 فلسطینی خواتین اور اتنے ہی بچے اسرائیلی قید سے آزاد ہوکر رام اللہ میں اپنے گھروں کو پہنچ گئے۔

اے ایف پی سے بات کرتے ہوئے حکام نے نام نہ ظاہر کرنے کی شرط پر بتایا کہ جن 10 اسرائیلی یرغمالیوں کو آزاد کیا ہے ان میں متعدد غیر ملکی این جی اوز کے لیے کام کرنے والے اسرائیلی بھی شامل ہیں۔

یہ خبر پڑھیں : جسے اللہ رکھے؛ غزہ میں گھر کے ملبے سے37 دن بعد نومولود زندہ مل گیا

یاد رہے کہ جنگ بندی کے پانچوں روز اسرائیلی جیلوں سے جن قیدیوں کو رہا گیا ہے ان میں خواتین اور بچے شامل ہیں جس سے اندازہ لگایا جا سکتا ہے کہ اسرائیل نے کس طرح خواتین اور بچوں کو جنگی قیدی بناکر رکھا ہوا تھا۔

یہ خبر بھی پڑھیں : ایلون مسک غزہ آکر اسرائیل کے ہاتھوں فلسطینیوں کی تباہی بھی دیکھیں؛ حماس

یہ وہ خواتین اور بچے تھے جنھیں جارحیت پسند اسرائیلی فوج نے مغربی کنارے یا غزہ میں چھاپا مار کارروائیوں میں یا احتجاجی مظاہروں کے دوران بلاجواز گرفتار کیا تھا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔