سرکاری افسران سے انٹرویو، میڈیا ٹاک کے لیے ضابطہ اخلاق جاری

ویب ڈیسک  جمعرات 30 نومبر 2023
(فوٹو : فائل)

(فوٹو : فائل)

 پشاور: نگراں حکومت نے سرکاری افسران سے انٹرویو یا میڈیا ٹاک کے لیے ضابطہ اخلاق جاری کردیا، ایکریڈیشن کارڈ نہ رکھنے والا کوئی صحافی یا سوشل میڈیا ایکٹوسٹ سرکاری افسروں سے انٹرویو نہیں لے سکے گا۔

محکمہ اطلاعات کے مطابق سرکاری دفاتر میں داخلے اور صرف سوشل میڈیا کی بنیاد پر اپنے آپ کو صحافی ظاہر کرنے پر پابندی ہوگی، محکمہ اطلاعات و تعلقات عامہ خیبرپختونخوا کے کارڈ کے حامل صحافی اپنے متعلقہ اضلاع میں سرکاری محکموں کے سربراہوں کی تقریبات میں شرکت کے مجاز ہوں گے۔

محکمہ اطلاعات کے مطابق جن ضلعی رپورٹرز، نامہ نگاروں کے پاس محکمہ اطلاعات خیبرپختونخوا کا ایکریڈیشن کارڈ نہ ہو وہ سرکاری محکموں کے سربراہوں کی کسی تقریب یا پریس کانفرنس میں شرکت نہیں کرپائیں گے، محکمہ اطلاعات و تعلقاتِ عامہ خیبرپختونخوا کی جانب سے ہدایات کی روشنی میں تمام ضلعی ایڈمنسٹریشن کو اعلامیہ جاری کردیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔