عالیہ بھٹ نے "انیمل" کو خطرناک قرار دیدیا

ویب ڈیسک  جمعـء 1 دسمبر 2023
فوتو: ویب ڈیسک

فوتو: ویب ڈیسک

 ممبئی:  بالی ووڈ کی معروف اداکارہ عالیہ بھٹ نے اپنے شوہر رنبیر کپور کی ایکشن سے بھرپور فلم “انیمل” کو خطرناک قرار دے دیا۔

سُپر اسٹار رنبیر کپور کی فلم “انیمل” آج یکم دسمبر کو دُنیا بھر میں ریلیز ہوگئی ہے اور پہلے ہی دن یہ میگا تھرلر فلم ہر طرف چھا گئی ہے، “انیمل” کو دیکھنے کے لیے مداحوں کی بڑی تعداد سینما گھر پہنچ گئی ہےجبکہ رنبیر کپور کے اہلخانہ نے یہ فلم ریلیز سے ایک روز قبل ہی دیکھ لی تھی۔

بھارتی میڈیا کے مطابق گزشتہ روز 30 نومبر کو رنبیر کپور اور عالیہ بھٹ نے اپنے اہلخانہ کے ہمراہ ممبئی میں فلم “انیمل” کی خصوصی اسکریننگ میں شرکت کی جس کی ویڈیو وائرل ہورہی ہے۔

مزید پڑھیں: سینما گھروں کے باہر رش، رنبیر کپور کی فلم “انیمل” ریلیز ہوتے ہی چھاگئی

فلم کی اسکریننگ میں عالیہ بھٹ اپنی ساس نیتو کپور، والد مہیش بھٹ، والدہ سونی رازدان اور بہن شاہین بھٹ کے ساتھ نظر آئیں، وائرل ویڈیو میں رنبیر کپور اور عالیہ بھٹ کو اُن کے اہلخانہ کے ہمراہ رش میں اسکریننگ کے مقام سے نکلتے ہوئے دیکھا گیا۔

اسی دوران صحافیوں نے عالیہ بھٹ سے پوچھا کہ اُنہیں فلم “انیمل” کیسی لگی؟ جس پر اداکارہ نے پہلے “زبردست” کہا اور پھر کہا “خطرناک” لگی۔

واضح رہے کہ مداحوں کو فلم ’انیمل‘ کا بےصبری سے انتظار تھا کیونکہ اس فلم کے سنسنی خیز ٹریلر نے ریلیز سے قبل ہی رنبیر کپور کے کردار کی دہشت پھیلا رکھی تھی، ٹریلر میں رنبیر کپور کو بےرحمی سے قتل کرتے ہوئے دکھایا گیا تھا۔

’انیمل‘ میں رنبیر کپور کے مقابلے میں بوبی دیول ولن کا کردار ادا کررہے ہیں جبکہ رشمیکا مندانا نے فلم میں خاتون اداکارہ کا مرکزی کردار ادا کیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔