"انیمل" کی باکس آفس پردھوم، ایک دن میں 100 کروڑ سے زائد کا بزنس

ویب ڈیسک  ہفتہ 2 دسمبر 2023
فوٹو : فلم پوسٹر

فوٹو : فلم پوسٹر

 ممبئی: بالی ووڈ سُپر اسٹار رنبیر کپور کی میگا تھرلر ایکشن فلم ’انیمل‘ نے ریلیز کے پہلے دن 100 کروڑ سے زائد کا بزنس کرلیا۔

بھارتی میڈیا کے مطابق سندیپ ریڈی وانگا کی ہدایت کاری میں بننے والی فلم ’انیمل‘ گزشتہ روز بھارت سمیت دُنیا بھر میں ریلیز کی گئی تھی جس نے باکس آفس پر دھوم مچا دی ہے۔

اس حوالے سے ’انیمل‘ کے فلمسازوں نے سماجی رابطے کی ویب سائٹ ایکس ( سابق ٹوئٹر) پر فلم کی کامیابی مداحوں کے ساتھ شیئر کی۔

ایکس پر ’انیمل‘ کا پوسٹر شیئر کرکے بتایا گیا کہ فلم نے ریلیز کے پہلے دن 116 کروڑ کا بزنس کرلیا ہے۔

رپورٹ میں بتایا گیا کہ فلم ’انیمل‘ کی شاندار کامیابی پر رنبیر کپور، رشمیکا مندانا، بوبی دیول اور انیل کپور سمیت پوری ٹیم بہت خوش ہے۔

یاد رہے کہ  ’انیمل‘ کی ریلیز سے قبل یہ اندازہ لگایا جارہا تھا کہ ریلیز کے پہلے دن ہی یہ فلم باکس آفس پر 100 کروڑ کا بزنس کرسکتی ہے جس میں سے تقریباً 60 کروڑ روپے صرف بھارت سے ملنے کا امکان ہوگا۔

مزید پڑھیں: سینما گھروں کے باہر رش، رنبیر کپور کی فلم “انیمل” ریلیز ہوتے ہی چھاگئی

واضح رہے کہ ’انیمل‘ میں رنبیر کپور کے مقابلے میں بوبی دیول ولن کا کردار ادا کررہے ہیں جبکہ رشمیکا مندانا نے فلم میں خاتون اداکارہ کا مرکزی کردار ادا کیا ہے۔

اس کے علاوہ انیل کپور نے ’انیمل‘ میں رنبیر کپور کے والد کا کردار نبھایا ہے، فلم کو یکم دسمبر کو پوری دنیا میں پانچ زبانوں ہندی، تیلگو، تامل، کناڈا اور ملیالم میں ریلیز کیا گیا تھا۔

مزید پڑھیں: عالیہ بھٹ نے “انیمل” کو خطرناک قرار دیدیا

مداحوں کو فلم ’انیمل‘ کا بےصبری سے انتظار تھا کیونکہ اس فلم کے سنسنی خیز ٹریلر نے ریلیز سے قبل ہی رنبیر کپور کے کردار کی دہشت پھیلا رکھی تھی، ٹریلر میں رنبیر کپور کو بےرحمی سے قتل کرتے ہوئے دکھایا گیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔