کلاسیکل گلوکار حسین بخش گلو انتقال کر گئے

ویب ڈیسک  منگل 5 دسمبر 2023
حسین بخش گلو کا تعلق شام چوراسی گھرانے سے تھا:فوٹو:ایکسپریس نیوز

حسین بخش گلو کا تعلق شام چوراسی گھرانے سے تھا:فوٹو:ایکسپریس نیوز

 لاہور:  نامور کلاسیکل گلوکار حسین بخش گلو لاہور میں انتقال کرگئے۔

گلوکاراستاد حسین بخش گلو طویل عرصے سے بیمار تھے۔ ان کی عمر 75 سال تھی۔ حسین بخش گلو کلاسیکی موسیقی کے مشہور شام چوراسی گھرانے سے تعلق رکھتے تھے۔ استاد حسین بخش گلو لاہور میں الحمرا اکیڈمی آف پرفارمنگ آرٹس سے وابستہ تھے۔

ایگزیکٹوڈائریکٹر الحمرا طارق محمود چوہدری نے کلاسیکل گائیک استاد حسین بخش گلو کے انتقال پر گہرے دُکھ اور افسوس کا اظہار کرتے ہوئے کہا ہے کہ استاد حسین بخش گلو گائیکی میں ایک چمکتا ستارہ تھے جنہوں نے اپنے فن سے ملک وقوم کا نام روشن کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔