وزیراعظم نے وفاقی سیکریٹری پانی و بجلی کو جھاڑ پلا دی

اسلام آباد: وزیراعظم نواز شریف نے مشترکہ مفادات کونسل کے اجلاس کے دوران اس وقت وفاقی سیکریٹری پانی و بجلی سیف اللہ چٹھہ کو جھاڑ پلا دی جب کھچی کینال پروجیکٹ میں ہونے والی مبینہ بے قاعدگیوں کا معاملہ سامنے آیا۔

وزیراعظم نے وفاقی سیکریٹری کو مخاطب کرتے ہوئے کہا کہ یہ معاملہ تحقیقات کیلیے فروری میں آپ کے سپرد کیا گیا تھا، آج ساڑھے 3 ماہ ہو چکے ہیں آپ انکوائری نہیں کرسکے۔ یہ کیا طریقہ ہے، سیکریٹری کے پاس وزیراعظم کے اس سوال کا کوئی جواب نہ تھا اور انھوں نے خاموش رہنے میں ہی عافیت جانی۔