بلوچستان کے علاقے سوئی میں ایف سی کی کارروائی میں 30 شرپسند ہلاک، 2 مغوی بازیاب

کوئٹہ: ڈیرہ بگٹی کے علاقے سوئی میں ایف سی کی کارروائی میں 30 شرپسند ہلاک جب کہ 2 مغویوں کو بازیاب کرالیا گیا۔

صوبائی وزیرداخلہ سرفراز بگٹی کے مطابق شرپسندوں کی جانب سے فرنٹئیر کور کے قافلے پر سوئی کے علاقے درنجن پر حملہ کیا گیا جس کے نتیجے میں ایک اہلکار جاں بحق جبکہ 8  زخمی ہوگئے  جب کہ ایف سی کی  جوابی کارروائی میں 30 شرپسند بھی مارے گئے۔

سرفراز بگٹی نے بتایا کہ حملے میں 8 فراری کیمپوں کو بھی مسمار کرنے کے ساتھ شرپسندوں کے قبضے سے بھاری اسلحہ اورگولا بارود بھی برآمد کیا گیاجبکہ کارروائی کے دوران 2 مغوی بھی بازیاب کرالیے گئے۔