سول جج لاہورعماد الدین کے والد کو شیخوپورہ سے اغوا کرلیا گیا

ویب ڈیسک  جمعـء 6 جون 2014
واقعہ کا مقدمہ درج کر کے اغواکاروں کی تلاش کے لئے چھاپہ مار کارروائیوں کا آغاز کر دیا گیا ہے،پولیس فوٹو: فائل

واقعہ کا مقدمہ درج کر کے اغواکاروں کی تلاش کے لئے چھاپہ مار کارروائیوں کا آغاز کر دیا گیا ہے،پولیس فوٹو: فائل

شیخوپورہ: سول جج لاہورعماد الدین کے والد کو وال برٹن کے علاقے سے اغوا کر لیا گیا۔

پولیس حکام کا کہنا ہے کہ کار میں سوار 4 افراد نے سول جج عمادالدین کے والد کو وال برٹن کے علاقے سے اسلحہ کے زور پر اغوا کر کے نا معلوم مقام پر لے گئے۔ پولیس کا کہنا ہے کہ واقعہ کا مقدمہ درج کر کے اغواکاروں کی تلاش کے لئے چھاپہ مار کارروائیوں کا آغاز کر دیا گیا ہے تاہم تاحال کوئی گرفتاری عمل میں نہیں آسکی ہے اور نہ ہی اغواکاروں کی جانب سے ابھی تک کوئی  مطالبہ سامنے آیا ہے۔

واضح رہے کہ گزشتہ ہفتہ ننکانہ صاحب سے مسلم لیگ(ن) کے رکن صوبائی اسمبلی جمیل الحسن کو بھی اغوا کر لیا گیا تھا اور ان کی رہائی کے لئے 5 کروڑ تاوان کا مطالبہ کیا گیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔