- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
گیس نرخوں میں اضافہ غیرمنطقی اور ناقابل عمل ہے، اپٹما
کراچی: آل پاکستان ٹیکسٹائل ملز ایسوسی ایشن (اپٹما)نے وفاقی بجٹ میںگیس انفرااسٹرکچر ڈیولپمنٹ سیس (جی آئی ڈی سی) کی فی ایم ایم بی ٹی یو کی شرح میں 200فیصداضافے کوغیرمنطقی اور ناقابل عمل قراردیتے ہوئے اس اقدام کومسترد دیا ہے۔
اپٹما کی ایگزیکٹو کمیٹی نے حکومت کے اس فیصلے کوغیرمنصفانہ قرار دیتے ہوئے کہا ہے اس فیصلے پر عمل درآمد کی صورت میں ملک بھرمیں پاورجنریشن اورپروسیسنگ کے لیے قدرتی گیس کے استعمال کنندہ پورے ٹیکسٹائل سیکٹر کو بری طرح متاثر کرے گا۔ اپٹما کے سینٹرل چیئرمین آپٹما یاسین صدیق نے کہا ہے کہ جی آئی ڈی سی کی شرح کو 100روپے فی ایم ایم بی ٹی یو سے بڑھا کر300روپے کرنے کے فیصلے سے نہ صرف وفاقی بجٹ میں ٹیکسٹائل سیکٹر کے لیے اعلان کردہ مراعات بے سودہوجائیں گی بلکہ ٹیکسٹائل انڈسٹری خسارے کا شکار ہوکربندش کی جانب گامزن ہوجائے گی۔
ملک میں بجلی کے بدترین بحران کی وجہ سے ٹیکسٹائل انڈسٹری نے اپنے برآمدی آرڈرز کی بروقت ترسیل اور ملکی جی ڈی پی میں اپنا حصہ اداکرنے کے لیے اضافی سرمایہ کاری کرکے کیپٹو پاور پلانٹ لگارکھے ہیں۔ ان کا کہنا تھا کہ ٹیکسٹائل انڈسٹری کو کیپٹو پاور پلانٹ لگانے کے لیے اضافی سرمایہ کاری تو کرنا پڑی لیکن اس کے بہت مثبت نتائج سامنے آئے اور گزشتہ چند برسوں سے ٹیکسٹائل سیکٹر کی برآمدات میںاضافہ ریکارڈ کیاجارہا ہے۔ ان کا کہنا تھا کہ یورپی یونین میں جی ایس پی پلس درجہ ملنے کے بعد خطے میں بلند ترین پیداواری لاگت کے باوجود ٹیکسٹائل سیکٹر ملکی برآمدات میں کئی گنا اضافہ کرنے کی پوزیشن میں آگیا تھا۔
انہوں نے کہا کہ ٹیکسٹائل سیکٹر پہلے ہی سے کئی چیلنجز اور مشکلات کا سامنا کررہا تھا اور ایسے وقت میں اس سیکٹر کے لیے جی آئی ڈی سی کی شرح میں200فیصد فی ایم ایم بی ٹی یو کا اضافہ اس سیکٹر کی کمر توڑ دے گا۔ ان کا کہنا تھا کہ حالیہ وفاقی بجٹ میں وزیر خزانہ کی جانب سے ٹیکسٹائل سیکٹر کے لیے کچھ مثبت اعلانات کیے گئے جن میں مارک اپ ریٹ میں کمی اور مشینری کی ڈیوٹی فری درآمد شامل ہے لیکن ہمیں خدشہ ہے کہ ان تمام مثبت اعلانات کے تمام تر فوائد پاور ریٹ خصوصا جی آئی ڈی سی میں اضافے کی وجہ سے نہ صرف ضائع ہوجائیں گے بلکہ ٹیکسٹائل سیکٹر کے لیے مزید مشکلات کا سبب بنتے ہوئے اس سیکٹر کو مزیدبھاری نقصانات کی جانب دھکیل دیں گے۔
یاسین صدیق نے حکومت سے درخواست کی کہ خام کاٹن کی درآمد پر ایک فی صد امپورٹ ڈیوٹی اور 5فی صد سیلز ٹیکس عائد کرنے کے فیصلے پر نظرثانی کی جائے۔ ان کا کہنا تھا کہ اسپننگ سیکٹر لانگ اسٹیبل اور آلودگی فری کاٹن بڑے پیمانے پر درآمد کرتا ہے جو ملک میں دستیاب نہیں ہے۔ ان کا کہنا تھا کہ سیلز ٹیکس ریفنڈ کا فیصلہ درآمد کنندگان کے لیے گھمبیر لیکیوڈیٹی مسائل پیداکردے گا۔ انہوں نے حکومت سے درخواست کی کہ وزیر اعظم میاں محمد نواز شریف اور مسلم لیگ حکومت کی فری ٹریڈ اکنامک پالیسیوں کے مطابق خام کاٹن کی درآمد ڈیوٹی اور سیلز ٹیکس فر ی ہونی چاہیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔