گیس پریشر میں بہتری کیلیے کاٹھوڑ تا سرجانی گیس پائپ لائن منصوبے کا آغاز

ویب ڈیسک  بدھ 21 فروری 2024
پائپ لائن منصوبے سے سائٹ ایریا اور حب ٹاؤن میں گیس کی طلب پوری کرنے میں مدد ملے گی:فوٹو:فائل

پائپ لائن منصوبے سے سائٹ ایریا اور حب ٹاؤن میں گیس کی طلب پوری کرنے میں مدد ملے گی:فوٹو:فائل

کراچی میں گیس پریشر کو بہتر بنانے کے لیے کاٹھوڑ سے سرجانی تک گیس پائپ لائن منصوبے کا آغاز کردیا گیا۔

ترجمان سوئی سدرن کے مطابق یہ منصوبہ  12 انچ اور 20 انچ قطر کی لائنوں میں کم پریشر کے مسائل کو حل کرنے میں مدد گار ہوگا۔ سوئی سدرن گیس کمپنی کے مینجنگ ڈائرکٹر عمران منیار نے ویسٹرن ریجن کو فیس کی فراہمی کے لیے پائپ لائن منصوبے کا افتتاح کیا۔

ترجمان کا مزید کہنا ہے کہ گیس پائپ لائن منصوبے سے سائٹ ایریا اور حب ٹاؤن میں گیس کی طلب کو پورا کرنے میں مدد ملے گی۔ گیس منصوبے سے ڈسٹری بیوشن سسٹم کی آپریشنل کارکردگی کو بہتر بنایا جائے گا۔ منصوبہ 5.1 ارب روپے کی لاگت سے جون 2024 تک مکمل کرلیا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔