- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
شمالی وزیرستان کی بگڑتی صورتحال
شمالی وزیرستان میں طالبان کے مختلف گروپوں میں اختلافات نے بڑھتے بڑھتے خونریز جھڑپوں کی شکل اختیار کر لی ہے اور دونوں جانب سے انسانی لاشیں گرنے کی تعداد میں اضافہ ہو رہا ہے۔ اب نئی خبروں کے مطابق شمالی وزیرستان کے متحارب گروپوں میں تازہ جھڑپوں میں مزید 7 جنگجو مارے گئے ہیں۔
اخباری اطلاعات کے مطابق یہ جھڑپیں میرانشاہ سے 65 کلومیٹر مغرب کی جانب ’’وچہ میلہ‘‘ میں ہوئی ہیں۔ مرنے والوں میں 5 کا تعلق حکیم اللہ محسود گروپ سے بتایا جاتا ہے۔ طالبان ذرائع نے بھی جھڑپوں اور ہلاکتوں کی تصدیق کی ہے۔ دیکھنے کی بات یہ ہے کہ اب اگر قدرت کی مہربانی سے ’’گُڈ اور بیڈ‘‘ طالبان میں امتیاز پیدا ہو گیا ہے تو ہماری سیکیورٹی فورسز کے لیے ان پر قابو پانا بہت آسان ہو جانا چاہیے لہٰذا اگر ان کے خلاف آپریشن کلین اپ اب شروع کیا جائے تو اس میں کامیابی کے امکانات بہت بڑھ جائینگے۔ اس صورتحال کو ایک دوسرے زاوئیے سے دیکھنے کی بھی ضرورت ہے وہ یہ کہ افغانستان سے امریکی اور نیٹو فوجوں کا انخلاء نزدیک تر آ رہا ہے جس کے لیے امریکنوں کی یہ کوشش ہو گی کہ طالبان کو آپس میں اس قدر الجھا دیا جائے کہ وہ افغانستان میں شب غم گزار کر جانے والے امریکی فوجیوں سے مزاحم نہ ہو سکیں۔
جیسا کہ طالبان کے مختلف دھڑوں میں پھوٹ پڑنے کی خبروں کا تعلق ہے تو ان میں ایک ایسے دھڑے کی نشاندہی کی گئی ہے جس نے طالبان سے علیحدگی اختیار کر لی ہے جب کہ جھڑپیں خالد محسود عرف خان سید سجنا اور حکیم اللہ گروپ کے مابین پچھلے کئی ماہ سے ہو رہی ہیں جن میں اب تک فریقین کے ایک سو سے زاید جنگجو ہلاک ہو چکے ہیں۔ دوسری جانب گورنر خیبر پختونخوا سردار مہتاب احمد خان سے شمالی وزیرستان کے اتمان زئی قبائل کے 59 رکنی جرگے نے گورنر ہاؤس پشاور میں ملاقات کی۔ اس موقع پر رکن قومی اسمبلی نذیر خان، چیف آف وزیرستان ملک نصر اللہ خان، ایڈیشنل چیف سیکریٹری فاٹا اور پولیٹیکل ایجنٹ سراج خان بھی موجود تھے۔
جرگہ میں کور کمانڈر پشاور لیفٹیننٹ جنرل خالد ربانی نے بھی شرکت کی۔ گورنر نے جرگے کو کہا کہ شمالی وزیرستان سے غیر ملکیوں کو 15 دنوں میں نکالا جائے، اس وقت تک حکومت کوئی کارروائی نہیں کرے گی۔ سردار مہتاب نے کہا کہ قبائلی عمائدین اگر اپنے علاقوں میں اپنی ذمے دار یاں بھرپور طریقہ سے سرانجام دیں تو کوئی بیرونی یا اندرونی شرپسند ان کے سامنے نہیں ٹھہر سکے گا۔ شمالی وزیرستان اور دیگر قبائلی علاقوں میں امن قائم کرنا حکومت اور قبائلی عمائدین کا فرض ہے۔ یہ کام جتنا جلد کر لیا جائے، ملک و قوم کا اتنا ہی بھلا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔