قومی اسمبلی کے افتتاحی اجلاس میں وزیٹر گیلری بند رکھنے کا فیصلہ

ویب ڈیسک  جمعرات 29 فروری 2024
فوٹوفائل

فوٹوفائل

 اسلام آباد: قومی اسمبلی سیکرٹریٹ نے سیکیورٹی حالات اور کسی بھی ممکنہ گڑ بڑ سے بچنے کے لیے اہم قدم اٹھاتے ہوئے افتتاحی اجلاس میں مہمانوں کیلیے جاری کردہ گیلری کے کارڈ منسوخ کردیے۔

اعلامیے کے مطابق افتتاحی اجلاس میں مہمانوں جو شرکت کی اجازت نہیں ہوگی، وزیٹر گیلری کے پاسز سیکیورٹی وجوہات کے پیش نظر منسوخ کیے گئے ہیں۔

سیکریٹری کی جانب سے جاری ہدایت نامے میں کہا گیا ہے کہ  نومنتخب معزز ممبر اپنے لیے جاری کردہ کارڈ اپنے ہمراہ لائیں، بصورت دیگر اُس کے بغیر داخلے کی اجازت نہیں دی جائے گی۔

مزید پڑھیں: صدر نے نگراں وزیراعظم کی ایڈوائس پر دستخط کردیے، قومی اسمبلی کا افتتاحی اجلاس آج ہوگا

واضح رہے کہ نو منتخب اراکین کی حلف برداری کیلیے قومی اسمبلی کا اجلاس آج صبح 10 بجے اسپیکر ایاز صادق کی زیر صدارت ہوگا۔ جس میں منتخب اراکین اپنے عہدے کا حلف اٹھائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔