طارق علی عالمی مکسڈ مارشل آرٹس ایسوسی ایشن کے کونسل ممبر منتخب

ویب ڈیسک  جمعـء 1 مارچ 2024
طارق علی ایشین ایسوسی ایشن کے سیکریٹری جنرل بھی ہیں—فوٹو: ایکسپریس نیوز

طارق علی ایشین ایسوسی ایشن کے سیکریٹری جنرل بھی ہیں—فوٹو: ایکسپریس نیوز

پاکستان کو کھیلوں میں عالمی سطح پر بڑا اعزاز مل گیا جہاں طارق علی گلوبل ایسوسی ایشن آف مکسڈ مارشل آرٹس کے کونسل ممبر منتخب ہو گئے ہیں۔

مکسڈ مارشل آرٹس کی تاریخ میں پہلی بار کوئی پاکستانی عالمی فیڈریشن کے اہم عہدے پر منتخب ہوا ہے، طارق علی جنوبی ایشین جو جیٹسو ریجنل ایسوسی ایشن کے سیکریٹری جنرل بھی ہیں۔

گلوبل ایسوسی ایشن کے انتخابات میں دیگر عہدوں کے ساتھ کونسل کے 5 ممبران کے لیے بھی سخت مقابلہ ہوا، کوریا سے جون ہیوک اوہ، نکاراگوا سے ایکسل جندھیر ٹوریس زمورا، پاکستان سے طارق علی، ڈومینیکن ری پبلک سے جیسس دوہاجرے سیلمین اور ساموا سے اننا لینیو  منتخب ہوگئے ہیں۔

طارق علی نے کونسل رکن منتخب کرنے پر اراکین کا شکریہ ادا کرتے ہوئے، ایم ایم اے کے تحت دنیا بھر میں کھیل کی ترقی کے لیے ضروری اقدامات کا عزم کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔