سندھ حکومت کا بجلی کی اوور بلنگ کی تحقیقات کروانے کا فیصلہ

ویب ڈیسک  بدھ 17 اپريل 2024
زائد رقم کی واپسی کیلیے ٹھوس اقدامات کیے جائیں، وزیرتوانائی :فوٹو:فائل

زائد رقم کی واپسی کیلیے ٹھوس اقدامات کیے جائیں، وزیرتوانائی :فوٹو:فائل

  کراچی: سندھ حکومت نے کے الیکٹرک کی زائد بلنگ کی تحقیقات کروانے کا فیصلہ کیا ہے۔

صوبائی وزیر توانائی سید ناصرحسین شاہ کی زیر صدارت محکمہ توانائی کا اجلاس ہوا۔ اجلاس میں حیسکو، سیپکو اور کے الیکڑک کی جانب سے صارفین کو زائد بل بھیجنے پر تشویش کا اظہارکیا گیا۔

سید ناصر حسین شاہ کا کہنا تھا کہ کسی بھی ادارے کو عوام کی خون پسینے کی کمائی اس طرح لوٹنے کی اجازت ہرگز نہیں دی جاسکتی۔ زائد بلنگ کی ذریعے وصول کی گئی رقوم کی واپسی کو یقینی بنانے کے لیے ٹھوس اقدامات کیے جائیں۔ سرکاری اور غیر سرکاری صارفین سے ڈیجیٹل میٹر کے حوالے سے رقوم وصول کی گئیں۔ صارفین کے لیے فوری طور پر میٹر لگانے کے اقدامات کو یقینی بنایا جائے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔