پاکستان سے دہشتگردی کیخلاف کوششیں بڑھانے پر اتفاق ہوا ہے، امریکا

ویب ڈیسک  بدھ 15 مئ 2024
پاکستان اور امریکا دہشت گردی کیخلاف رابطے بڑھانے پر متفق ہیں، ترجمان امریکی محکمہ خارجہ:فوٹو:فائل

پاکستان اور امریکا دہشت گردی کیخلاف رابطے بڑھانے پر متفق ہیں، ترجمان امریکی محکمہ خارجہ:فوٹو:فائل

  واشنگٹن: امریکا کا کہنا ہے کہ پاکستان سے دہشتگردی کے خلاف کوششیں بڑھانے پر اتفاق ہوا ہے۔

امریکی محکمہ خارجہ کے ترجمان ویدانت پٹیل نے میڈیا بریفنگ میں کہا کہ پاکستان اورامریکی حکام کے درمیان بات چیت میں دہشتگردی سے نمٹنے کے لیے کمیونیکشن کو مزید بڑھانے پربات ہوئی۔ دونوں ممالک نے اس سلسلے میں باہمی رابطوں میں مزید تیزی لانے پر اتفاق کیا ہے۔

ترجمان کا مزید کہنا تھا کہ پاکستان اورامریکا دہشتگرد گروپوں کے خاتمے کے لیے کی جانے والی کوششوں پر بھی متفق ہیں۔ اس بارے میں پاکستان کو مغربی سرحد پر تعاون کی فراہمی سمیت دیگر اقدامات پر غور کیا گیا۔

امریکی محکمہ خارجہ کے ترجمان نے بھارت اور ایران کے درمیان چاہ بہار بندرگاہ معاہدے کے حوالے سے کہا کہ ایران پر پابندیاں تاحال برقرار ہیں۔ ایران سے تجارتی معاہدہ کرنے والوں کوممکنہ خطرات سے آگاہ ہونا چاہیے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔