وہاج علی نے یمنیٰ زیدی پر بنائی گئی 'میم' ڈیلیٹ کروادی

ویب ڈیسک  جمعرات 23 مئ 2024
وہاج علی اور یمنیٰ زیدی نے ڈرامہ 'تیرے بن' میں ایک ساتھ کام کیا : فوٹو : فائل

وہاج علی اور یمنیٰ زیدی نے ڈرامہ 'تیرے بن' میں ایک ساتھ کام کیا : فوٹو : فائل

  کراچی: پاکستانی شوبز انڈسٹری پر راج کرنے والے معروف اداکار وہاج علی نے ڈرامہ سیریل ‘تیرے بن’ کی اداکارہ یمنیٰ زیدی کا دفاع کیا۔

حال ہی میں وہاج علی کے فین پیج کی جانب سے یمنیٰ زیدی سے متعلق ایک میم شیئر کی گئی تھی جس میں اداکارہ کے مختلف ڈراموں سے لیے گئے کرداروں کی تصویر پر مبنی ایک فوٹو کولاج شامل تھا۔

اس کولاج میں یمنیٰ زیدی کی اپنے ساتھی اداکاروں کے ہمراہ تصاویر تھیں جن پر لکھا تھا کہ ”یمنیٰ بھی آلو کی طرح ہر ایک کے ساتھ فِٹ آجاتی ہے“۔

w1

یہ میم جیسے ہی وہاج علی کی نظروں کے سامنے سے گزری تو اُنہیں پیج کے ایڈمین پر غصہ آیا کیونکہ میم میں یمنیٰ زیدی کا موازنہ آلو سے کیا گیا تھا۔

وہاج علی نے مذکورہ پوسٹ پر کمنٹ کرتے ہوئے ایڈمین سے درخواست کی کہ برائے مہربانی اس پوسٹ کو ہٹا دیں، اگر آپ میرے مداح ہیں تو آپ کو میرے دوستوں، ساتھیوں اور خاندان کا احترام کرنا چاہیے۔

w2

اداکار کی درخواست پر فین پیج کے ایڈمین نے یمنیٰ زیدی سے متعلق میم ڈیلیٹ کردی لیکن میم کا اسکرین شاٹ سوشل میڈیا کے مختلف پلیٹ فارمز پر وائرل ہورہا ہے۔

واضح رہے کہ وہاج علی اور یمنیٰ زیدی نے بلاک بسٹر ڈرامہ ‘تیرے بن’ میں مرکزی جوڑے کے طور پر کام کیا تھا، ان کی جوڑی کو خوب مقبولیت ملی تھی۔

وہاج علی اور یمنیٰ زیدی کا ڈرامہ پاکستان اور بھارت سمیت پوری دنیا میں بےحد مقبول ہوا تھا، اس ڈرامے کے بعد سے بھارت میں وہاج علی اور یمنیٰ زیدی کے مداحوں کی تعداد بھی بڑھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔