گورنر کی گاڑیاں بند اور گورنر ہاؤس سے نکال دوں گا، وزیر اعلٰی

ویب ڈیسک  بدھ 5 جون 2024
وفاقی بجٹ میں کے پی کے منصوبے کم کرنا کم ظرفی ہے، علی امین گنڈا پور:فوٹو:فائل

وفاقی بجٹ میں کے پی کے منصوبے کم کرنا کم ظرفی ہے، علی امین گنڈا پور:فوٹو:فائل

 پشاور: وزیراعلیٰ خیبر پختونخوا علی امین گنڈا پور نے کہا ہے کہ گورنر کی گاڑیاں بند کردوں گا اور انہیں گورنر ہاؤس سے نکال دوں گا۔

پشاور میں میڈیا سے گفتگو کرتے ہوئے وزیراعلیٰ کے پی علی امین گنڈا پور نے کہا  کہ گورنر اور اس کا لیڈر دونوں چور ہیں۔ گورنر کی گاڑیاں بند کرکے انہیں گورنر ہاؤس سے نکال دوں گا۔ گورنر کی حیثیت یہ ہے کہ یہ ہم تینوں بھائیوں سے ہارا ہے۔ انہیں سیاسی شہید نہیں بننے دیں گے سیاسی مردار کریں گے۔

وزیراعلیٰ کے پی کا مزید کہنا تھا کہ وفاقی بجٹ سے پختونخوا کے منصوبے ختم کرنا کم ظرفی ہے۔ ہم اپنا حق لینا جانتے ہیں احتجاج کے لیے تیار ہیں۔

انہوں نے کہا کہ نا اہل حکمرانوں سے ملک نہیں چل رہا۔ یہ ہمارے سروں  پر سوار ہیں اور ہم سر سے اتارنا جانتے ہیں۔ ہم محاذ آرائی نہیں کر رہے بلکہ اپنا حق مانگ رہے ہیں۔ بلاول بھٹو کو کس بنیاد پر آکسفورڈ یونیورسٹی میں داخلہ ملا تھا قوم کو بتائیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔