نان فائلرز کے بیرون ملک جانے پر پابندی اور موبائل چارج پر 75 فیصد ٹیکس کی تجویز

ارشاد انصاری  بدھ 12 جون 2024
فوٹو فائل

فوٹو فائل

 اسلام آباد: وفاقی حکومت نے آئندہ مالی سال کے بجٹ میں نان فائلرز کے بیرون ملک سفر پر پابندی جبکہ نان فائلرز موبائل صارفین پر 75 فیصد ٹیکس عائد کرنے کی تجویز دی ہے۔

فیڈرل بورڈ آف ریونیو کے چیئرمین نے بتایا کہ نان فائلر موبائل صارفین پر 75 فیصد ٹیکس عائد کردیا گیا ہے جبکہ نان ایکٹیو ٹیکس پیئر موبائل صارفین کی کال پر 75 فیصد ٹیکس چارج کیا جائے گا۔

انہوں نے بتایا کہ نان فائلر کے بیرون ملک سفر پر پابندی کی بھی تجویز دی گئی ہے، اب ٹیکس گوشوارے جمع نہ کروانے والے لوگ بیرون ملک سفر نہیں کرسکیں گے البتہ حج و عمرہ اور تعلیمی سفر کیلیے انہیں چھوٹ ہوگی۔

چیئرمین ایف بی آر نے بتایا کہ  اس حوالے سے فنانس بل کے ذریعے ٹیکس قوانین میں ترامیم تجویز کی گئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔