پشاور؛ سی ٹی ڈی اوردہشتگردوں میں فائرنگ کا تبادلہ،زیرحراست دہشتگرد ہلاک

ویب ڈیسک  جمعرات 13 جون 2024
فوٹو: فائل

فوٹو: فائل

 پشاور: سی ٹی ڈی ٹیم  کا دہشتگردوں کے ساتھ فائرنگ  کا تبادلہ، کالعدم ٹی ٹی پی کا زیرحراست  دہشتگرد  ہلاک، کارروائی کے دوران حملہ آور دہشت گرد بھی مارا گیا۔

کاؤنٹر ٹیرارزم ڈیپارٹمنٹ کے ذرائع کے مطابق بڈھ بیر سیفن کے مقام پر دہشت گردوں کے ساتھ فائرنگ کا تبادلہ ہوا جس میں کالعدم ٹی ٹی پی سے تعلق رکھنے والا اہم دہشت گرد معاذ عرف عمر خالد عمر حملہ آور دہشتگردوں کی فائرنگ سے ہلاک ہوگیا۔

سی ٹی ڈی کے مطابق  کارروائی کے دوران دوسرا دہشت گرد بھی ہلاک کردیا گیا جس کی شناخت نہیں ہوسکی۔

ذرائع سی ٹی ڈی کے مطابق دہشت گرد عمر خالد پشاور پولیس کے دو افسران پر حملے میں ملوث تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔