"دنیا نے اُسے کنگ بنایا ہے آپ نہیں مانیں" امام، بابر کے دفاع میں آگئے

ویب ڈیسک  جمعـء 14 جون 2024
گزشتہ دنوں احمد شہزاد نے کپتان کو "جعلی کنگ" قرار دیا تھا (فوٹو: ایکسپریس ویب)

گزشتہ دنوں احمد شہزاد نے کپتان کو "جعلی کنگ" قرار دیا تھا (فوٹو: ایکسپریس ویب)

قومی ٹیم کے اوپنر امام الحق ایک مرتبہ پھر کپتان بابراعظم دفاع میں سامنے آگئے۔

نجی ٹی وی چینل کے پروگرام میں مسلسل نظر اندار کیے جانے والے اوپنر احمد شہزاد نے گزشتہ روز بابراعظم کو جعلی کنگ قرار دیتے ہوئے انکے اعداد و شمار پر تنقید کا نشانہ بنایا تھا، جس پر امام الحق نے انہیں جواب دیتے ہوئے کہا کہ ہم سب نے پاکستان کیلئے کھیلا ہے اور سب ٹیم کی بھارت کے خلاف کارکردگی سے مطمئن نہیں تاہم احترام کے عنصر کو نظر انداز نہیں کیا جانا چاہیے۔

انہوں نے کہا کہ وہ پاکستان کا کپتان ہے، آپ نہیں ماننا چاہتے، ٹھیک ہے! دنیا نے اُسے کنگ بنایا ہے آپ نہیں مانیں!، بابراعظم پر تنقید کو امام الحق نے باڈی شیمنگ سے بھی تشبیح دی۔

مزید پڑھیں: “بابراعظم جعلی کنگ ہیں” انکے اعداد و شمار مجھ سے بھی خراب ہیں؟

امام الحق نے مزید کہا کہ بابر کو ٹیم کیلئے ان کی خدمات اور اس حقیقت کا احترام کیا جانا چاہیے وہ 250 سے زیادہ میچز کھیل چکے ہیں، ان اعداد و شمار کا بھی جائزہ لیں۔

قبل ازیں احمد شہزاد نے بابراعظم کو جعلی کنگ قرار دیتے ہوئے ٹیم میں دوستوں کو کھلانے کا الزام عائد کیا تھا جبکہ متعدد پی سی بی چیئرمینز کی جانب سے انکا احتساب نہ کرنے پر ناراضگی کا اظہار کیا تھا۔

مزید پڑھیں: بابراعظم پر دوستوں کو کھلانے کا الزام؛ احمد شہزاد تنقید کی زد میں

انکا مزید کہنا تھا کہ ورلڈکپ میں پاور پلے میں بابراعظم نے 205 گیندوں کا سامنا کیا لیکن ایک چھکا تک لگانے میں کامیاب نہ ہوئے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔