لاہور کے داخلی اور خارجی راستوں پر اضافی نفری تعینات

ویب ڈیسک  اتوار 23 جون 2024
سی ٹی او نے پولیس افسران کو شہر کے داخلی اور خارجی راستوں کے دورے کرنے کا حکم دیا—فوٹو: فائل

سی ٹی او نے پولیس افسران کو شہر کے داخلی اور خارجی راستوں کے دورے کرنے کا حکم دیا—فوٹو: فائل

 لاہور: سی ٹی او عماہ اطہر کے حکم پر بادامی باغ اڈا، نیاز شہید اڈا، ٹھوکر نیاز بیگ، عبداللہ ٹریولز، گجومتہ پر بھی اضافی نفری تعینات کردی گئی ہے۔

انہوں نے تمام سرکل افسران کو داخلی اور خارجی راستوں کے دورے کرنے اور ڈویژنل افسران کو فزیکلی اور سیف سٹی کیمروں کی مدد سے نگرانی کرنے کا حکم دے دیا ہے۔

عمارہ اطہر نے کہا کہ ٹریفک رسپانس یونٹ کو رہائشی علاقوں میں تعینات کیا جائے اور شہر بھر میں کہیں سے بھی ٹریفک کنجیشن کی کال موصول نہیں ہونی چاہیے۔

انہوں نے ہدایت کی ہے کہ پردسیوں کی واپسی کے باعث بس اڈوں اور شہر کے داخلی راستوں پر رش رہے گا لہٰذا مذکورہ علاقوں میں بھی نفری تعینات کردی جائے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔