فیصل آباد کے مقامی تھیٹر میں فحش رقص کی محفل پر کارروائی کا مطالبہ

میاں اصغر سلیمی  پير 24 جون 2024
فوٹو اسکرین گریپ

فوٹو اسکرین گریپ

فیصل آباد / لاہور: فیصل آباد کے مقامی تھیٹر میں فحش رقص کی محفل پر پنجاب آرٹس کونسل نے ڈپٹی کمشنر کو سخت کارروائی کیلیے خط لکھ دیا۔

تفصیلات کے مطابق فیصل آباد کے منروہ تھیٹر اور منروہ گولڈ  تھیٹرز میں فحش رقص کی محفل پر پنجاب آرٹس کونسل کے حکام نے نوٹس لے کر برہمی کا اظہار کیا۔

آرٹس کونسل کے حکام نے ڈپٹی کمشنر فیصل آباد کو تھیٹر اور منتظمین کیخلاف سخت کارروائی کیلیے خط لکھا جس میں کہا گیا ہے کہ ’منروہ تھیٹر اور منروہ گولڈ  تھیٹرز میں انتہائی فحش رقص پیش کیا گیا‘۔

خط میں لکھا گیا ہے کہ ’انتظامیہ متعلقہ تھیٹرز، منتظمین اور ملوث ڈانسرز کے خلاف سخت کارروائی کرے کیونکہ غیر اخلاقی محافل کی اجازت کسی صورت نہیں دی جاسکتی‘۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔