انٹربینک مارکیٹ میں ڈالر کی قدر میں اضافے کا رجحان

احتشام مفتی  پير 8 جولائی 2024
(فوٹو: فائل)

(فوٹو: فائل)

  کراچی: عالمی سطح پر خام تیل خصوصاً عرب لائٹ کروڈ آئل کی بڑھتی ہوئی قیمتوں اور بتدریج ڈی ویلیوایشن سینٹینٹس کے باعث پیر کو بھی انٹربینک مارکیٹ میں ڈالر کی قدر میں  اتارچڑھاؤ کے بعد اضافے کا رحجان رہا۔

سروسز ایکسپورٹس میں اضافے  اور سسٹم میں انفلوز بڑھنے کے باوجود انٹربینک مارکیٹ میں ڈالر کی قدر میں اضافہ ہوا۔ کاروباری دورانیے کے دوران انٹربینک مارکیٹ میں ڈالر کی قدر کاروبار کے اختتام پر13پیسے کے اضافے سے 278روپے 50پیسے کی سطح پر بند ہوئی۔

اس کے برعکس اوپن کرنسی مارکیٹ میں ڈالر کی قدر بغیر کسی تبدیلی کے 280روپے 50پیسے کی سطح پر مستحکم رہی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔