وی لاگر عمر عادل خاتون اینکر کے خلاف زبان استعمال کرنے پر گرفتار

 لاہور: وفاقی تحقیقاتی ادارہ (ایف آئی اے) کی سائبر کرائم ونگ نے وی لاگر عمر عادل کو نجی ٹی وی کی خاتون اینکر کے خلاف نازیبا زبان استعمال کرنے پر مقدمہ درج کرکے گرفتار کرلیا۔

ایف آئی اے سائبر کرائم ونگ نے عمر عادل کے خلاف  نجی ٹی وی کی خاتون اینکر سے متعلق نازیبا زبان استعمال کرنے گرفتار کیا اور مقدمے کے اندراج کے علاوہ تفتیش بھی شروع کردی ہے۔

سائبر کرائم ونگ کے حکام نے بتایا کہ ملزم ڈاکٹر عمر عادل نے سوشل میڈیا پر خواتین اینکرز کے خلاف نازیبا گفتگو کی تھی اور اس الزام پر انہیں گرفتار کرلیا گیا ہے۔