ویرات کوہلی بھی بنگلادیش میں حسینہ واجد مظاہروں میں شریک، ویڈیو وائرل

بنگلادیش میں جاری شیخ حسینہ واجد کی حکومت کیخلاف پُرتشدد مظاہروں بھارتی کرکٹر ویرات کوہلی بھی پہنچ گئے۔

سماجی رابطے کی سائٹ ایکس (ٹوئٹر) پر وائرل ویڈیو میں دیکھا جاسکتا ہے کہ بنگلہ دیش میں جاری پُر تشدد مظاہروں میں بھارتی کرکٹر ویرات کوہلی کے ہمشکل تیزی سے وائرل ہورہے ہیں جبکہ احتجاج کے دوران نعرے بازی کررہے ہیں۔

ویرات کوہلی کے ہم شکل ایک شخص کو بنگلادیشی نوجوانوں نے کندھے پر اٹھایا ہوا ہے جبکہ اس شخص نے انڈین پریمیئر لیگ کی فرنچائز رائل چیلنجز بنگلورو کی کیپ پہنی ہوئی ہے۔

مزید پڑھیں: عوامی لیگ کے ٹکٹ پر ممبر قومی اسمبلی بننے والے شکیب الحسن منظر عام سے غائب

پہلی نظر میں ایسا معلوم ہوتا ہےکہ یہ بھارتی کرکٹر ویرات کوہلی ہی ہیں جو بنگلادیشی مظاہرین سے اظہار یکجہتی کے لیے احتجاج میں شامل ہوگئے ہیں۔

مزید پڑھیں: بنگلا دیش کے سابق کپتان مشرفی مرتضٰی بھی مظاہرین سے بچ نہ سکے

بھارتی میڈیا کے مطابق مذکورہ ویڈیو 5 اگست کی ہے جب حسینہ واجد کی جانب سے مستعفی ہونے اور بھارت فرار ہونے کی خبر سامنے آئی تھی جس کے بعد بنگلادیشی عوام کی بڑی تعداد سڑکوں پر جشن منانے کے لیے نکل آئی تھی۔

ویڈیوکی سوشل میڈیا پر دھوم مچی ہوئی ہے جبکہ صارفین اس حوالے سے دلچسپ تبصرے کر رہے ہیں۔